(ABC-Sanchar)
काठमाडौं । न्याय परिषद्को बैठक बस्न समस्या भएपछि प्रधानन्यायाधीश विश्वम्भर प्रसाद श्रेष्ठले बुधवार जिल्ला न्यायाधीशको काज सरुवा गरेका हुन् ।
खाली भएका स्थान र दरबन्दी धेरै भएको तर इजलास तयार नभएका अदालतबाट अन्य अदालतमा न्यायाधीशहरूको काज सरुवा भएको हो । यसरी काज सरुवा गर्दा कतिपय न्यायाधीशको अवधि पुगेकोले र कतिपयको खाली र दरबन्दी धेरै भएकाहरूलाई गरिएको हो ।
सरुवा भएका न्यायाधीशहरूमा न्याय परिषद् काजमा रहेका न्यायाधीश भुवनसिंह थापालाई रसुवा जिल्ला अदालतमा काज सरुवा गरिएको छ भने चितवनका जिल्ला न्यायाधीश उद्धवप्रसाद भट्टराईलाई महोत्तरी, रौतहटका नवराज दाहाललाई कास्की, रुपन्देहीका कृष्णकुमारी सिवाकोटीलाई भक्तपुर, बाँकेका देवकुमार गिरीलाई झापा जिल्ला अदालतमा सरुवा गरिएको छ ।
यसैगरी नवलपरासीका रमेश शर्मा पौडेललाई सिन्धुली, भक्तपुरका तीर्थराज केसीलाई काठमाडौँ, धनुषाका भीष्मराज प्रसाईँलाई बाँके, मुस्ताङका ईश्वर पराजुलीलाई रुपन्देही र ललितपुरका हरिकृष्ण श्रेष्ठलाई धनुषा जिल्ला अदालतका काज सरुवा गरिएको हो ।
त्यस्तै न्यायाधीशहरूमा विश्वनाथ भट्टराईलाई पर्साबाट काभ्रेपलान्चोकमा, रोमनाथ अधिकारीलाई मोरङबाट कपिलवस्तु, रिताकुमारी बख्रेललाई काभ्रेबाट ललितपुर, रोमाकान्त ज्ञवालीलाई स्याङ्जाबाट धनुषा, ओम बहादुर सोडारीलाई झापाबाट मुस्ताङ र विष्णुप्रसाद रेग्मीलाई रुपन्देहीबाट सर्लाही जिल्ला अदालतमा सरुवा गरिएको छ ।
