(ABC-Sanchar)
काठमाडौं । कमिटी टु प्रोटेक्ट जर्नालिस्ट’ सीपीजेका अनुसार इजरायल र हमासबिच जारी युद्धमा अहिलेसम्म २६ प्यालेस्टिनी, ४ इजरायली र एक लेबनानी पत्रकार मारिएका छन् ।
सीपीजेले विज्ञप्तिमा भनेको छ, ‘खास गरी गाजा क्षेत्रमा पत्रकारहरूले असाधारण खतराको सामना गर्नु परिरहेको छ, उनीहरूले इजरायलको खतरनाक बमबारी र जमिनी हमलाबाट गुज्रिनु परिरहेको छ ।’
मृत्यु भएका पत्रकारमा प्यालेस्टिनी फिल्म मेकर रोशदी सराज र रोयटर्सका बेरुतस्थित भिडियोग्राफर इसाम अब्दल्लाह पनि छन् ।
समाचार एजेन्सी रोयटर्सका अनुसार उसका पत्रकार इजरायलका तर्फबाट लेबनान सीमामा गरिएको आक्रमणमा मारिएका हुन् । एजेन्सी
