(ABC-Sanchar)
काठमाडौं । इजरायलको सेनाले आफ्नो वेबसाइटमा अक्टोबर ७ मा भएको आक्रमणपछि मारिएका सैनिकको संख्या सार्वजनिक गरेको छ ।
इजरायलको सेनाले अहिलेसम्म ३२६ सैनिकको मृत्यु भएको जनाएको छ । तीमध्ये धेरैजसो अक्टोबर ७ मा वा आसपासमा मारिएका थिए। अक्टोबर ७ मा हमासले इजरायलमा आक्रमण गरेको थियो ।
मारिएका सैनिकको तस्बिर वेबसाइटमा राखिएको छ र उनीहरुको उमेरबारे पनि जानकारी दिइएको छ ।
मंगलबार ११ सैनिकको मृत्यु भयो, उनीहरुको उमेर १९ देखि २४ वर्षको बीचमा थियो ।
यसैबीच, गाजामा हमास शासित स्वास्थ्य मन्त्रालयले अक्टोबर ७ यता गाजामा ८५२५ जनाको मृत्यु भएको जनाएको छ। एजेन्सी
