ABC (क्राईमबिट)
सर्लाही । जिल्ला प्रहरी कार्यालय सर्लाहीबाट खटिएको प्रहरी टोलीले विशेष सुचनाको अधारमा सर्लाही मलंगवा नगर पालिका वडा नम्बर ८ लच्का स्थित बाटोबाट चाँदीको गहना सहित एक जनालाई नियन्त्रणमा लिएको छ ।
भारत जिल्ला सितामढी बसतपुर ग्राम पंचायत वार्ड नम्बर ७ बस्ने राजेन दासको छोरा बर्ष १९ को लभ दासलाई प्रहरीले चाँदीको गहना सहित नियन्त्रणमा लिएको हो ।
भारतबाट साईकलमा नेपाल तर्फ आउने क्रममा खानतलासी गर्दा निजले कम्मरमा बाँधी ल्याएको चाँदीको ठुलो सिक्का १५ पिस, सानो सिक्का ५ पिस, हनुमानी १ पिस, औँठी ८ पिस, पायल ४ जोर बालाको ब्रासलेट १ जोर ठुलो प्लेट थान १ सानो प्लेट थान १ गणेश र लक्षमी मुर्ती थान ११ सानो ठुलो गरी सिक्री ३७ पिस गहना सहित प्रहरीले नियन्त्रणमा लिएर आवश्यक अनुसन्धान गरिरहेको जनाएको छ ।
