(एबिसि संचार )
राष्ट्रिय मानवअधिकार आयोगले भोलि (मंसिर ७ गते) उपत्यकामा हुने प्रदर्शनको अनुगमन गर्ने भएको छ ।
स्वतन्त्र कानुन व्यवसायी मञ्चद्वारा मंसिर ७ गते व्यवसायी दुर्गा प्रसाईं र महेश बस्नेतको घोषित कार्यक्रममा हुनसक्ने सम्भावित घटनाको निरीक्षण गर्न मानवअधिकार अयोगलाई बुधबार बुझाएको ज्ञापनपत्र ग्रहण गरेसँगै आयोगका अध्यक्ष तपबहादुर मगरले यस्तो जनाएका हुन् ।उनले प्रदर्शनको निरीक्षण गर्न आयोगले विभागअन्तर्गत निरीक्षण गर्ने जानकारी दिए । कुनै किसिमबाट हिंसा भड्किन नदिन आयोगबाट सक्दो पहल गर्ने उनको भनाइ छ । उनले कसैले पनि आफ्नो अधिकार प्रयोग गर्दा अरुको अधिकार हनन गर्नु नहुने पनि उल्लेख गरे ।
कसैले पनि आफ्नो अधिकार प्रयोग गर्दा अरुको अधिकार हनन गर्नु हुँदैन । त्योअनुसार हामी अघि बढ्नुपर्छ । अब कुनै किसिमबाट हिंसा भड्किन गयो भने हामी त्यसमा सतर्क छौं । हुन नदिनेतिर हामी लाग्छौं । सम्बन्धित निकायलाई आह्वान गर्दछौं, सम्बन्धित निकायलाई सक्रिय बनाउँछौं,’ अध्यक्ष मगरले भने, ‘आयोगले गर्नुपर्ने मानवअधिकार संरक्षण, संवर्द्धन, प्रवर्द्धन हामी गर्नेछौं । जे कुरा पनि शान्तिपूर्ण हुनुपर्छ । हामी टोली भएर अनुगमनमा जानेछौं ।’
अध्यक्ष मगरले आयोगले गर्नुपर्ने मानव अधिकार संरक्षण, संवर्द्धन, प्रवर्द्धनमा आफूहरु लागिपरेको जनाए ।
