(एबिसि संचार )
काठमाडौंको नागढुंगाबाट प्रहरीले दुई किलो सुन बरामद गरेको छ । रसुवा नाकाबाट अवैध रुपमा सुन काठमाडौं ल्याइँदै गरेको भन्ने विशेष सुचनाको आधारमा नगढुंगाबाट उक्त परिणामको सुन बरामत गरेको उपत्यका अपराध अनुसन्धान कार्यालय, काठमाडौंका एसएसपी सोमेन्द्रसिंह राठौरले बताए ।
उपत्यका अपराध अनुसन्धान कार्यालयबाट खटिएको टोलीले सुन बरामद गरेर तीन जनालाई नियन्त्रणमा लिएको उनले बताए । प्रहरीले पक्राउ पर्नेहरुको नाम भने सार्वजनिक गरेको छैन ।त्यस्तै, गएराति मात्रै त्रिभुवन अन्तर्राष्ट्रिय विमानस्थलमा दुबईबाट आएका गारखाका चन्द्र घलेको साथबाट १४ किलो सुन बरामद भएको थियो । उक्त सुन प्रकरणमा घलेसहित २ जना पक्राउ परेका छन् । त्रिभुवन विमानस्थल भन्सार कार्यालयलय उक्त सुन प्रकरण छानविन गर्न समिति गठन गरेको छ ।
