बाँके । सशस्त्र प्रहरी बल नेपाल, बागेश्वरी ३० गण बाँकेका गणपति *एसपी भिम चन्दको कमान्डमा तालिम प्राप्त कुकुरसहित मुख्य सीमा नाकामा जमुनाहामा कडाइ चेकजाँच सञ्चालन गरिएको छ।
*कहाँ र कसरी:*
जमुनाहा,जैसपुर जस्ता संवेदनशील नाकामा यो विशेष चेकजाँच गरिएको हो। चेकजाँचमा तस्करी नियन्त्रण र सुरक्षा संवेदनशीलता बढाउने उद्देश्य राखिएको छ।
*तालिम प्राप्त कुकुरको भूमिका:*
– लुकेका लागूपदार्थ, विस्फोटक पदार्थ र अवैध सामान सुँघेर पत्ता लगाउने
– सवारी साधन र झोलाको गोप्य भागमा लुकाइएको वस्तु पहिचान गर्ने
– रातको समय र भीडभाडमा पनि छिटो स्क्रिनिङ गर्न सहयोग गर्ने
*एसपी भिम चन्दको भनाइ:*
‘सीमा क्षेत्रमा अवैध गतिविधि रोक्न प्रविधि र तालिम प्राप्त जनशक्तिको प्रयोग बढाएका छौँ। कुकुरको सहायताले चेकजाँच छिटो र प्रभावकारी भएको छ। तस्करलाई मनोवैज्ञानिक दबाब पनि परेको छ,’ उनले बताए।
परिचालित दुईवटा तालिमप्राप्त कुकुरहरूले विशेषगरी हातहतियार, बिस्फोटक पदार्थ तथा लागुऔषध सम्बन्धी चेकजाँचमा सघाउनेछन्।
सीमा नाकामा कुकुर परिचालन भएसँगै अवैध ओसारपसार, सीमा अपराध तथा शंकास्पद गतिविधि नियन्त्रणमा थप प्रभावकारिता आउने अपेक्षा गरिएको छ। सशस्त्र प्रहरी बलले सीमा सुरक्षालाई आधुनिक र प्रविधिमैत्री बनाउने उद्देश्यअनुसार अब नियमित रूपमा यस्ता तालिमप्राप्त कुकुरहरू सीमा नाकामा परिचालन गर्ने जनाएको छ।
सशस्त्र प्रहरीले यस्ता अपरेशनलाई नियमित बनाउने र स्थानीयसँगको समन्वयमा सूचना सञ्जाल बलियो बनाउने बताएका छन् ।
