बाँके । ग्राहकको आवागमन घटेपछि उनीहरूले भारतमै नेपाल सरकारविरुद्ध नाराबाजी गर्दै स्थानीय प्रशासनसमक्ष ज्ञापनपत्र समेत बुझाएका छन्।
स्थानीय स्रोतका अनुसार सीमावर्ती क्षेत्रमा सुरक्षा जाँच तथा आवतजावतमा गरिएको कडाइका कारण नेपाली उपभोक्ताको किनमेल घटेको छ। यसको प्रत्यक्ष असर भारतीय बजार र साना व्यापारीमाथि परेको बताइएको छ।
व्यापारीहरूले व्यवसायमा ठूलो गिरावट आएको गुनासो गर्दै सहज आवतजावतको वातावरण बनाउन माग गरेका छन्। उनीहरूले सीमा क्षेत्रमा लगाइएको कडाइले दैनिक व्यापार–व्यवसाय प्रभावित भएको भन्दै सम्बन्धित निकायमार्फत समस्या समाधानको पहल गर्न आग्रह गरेका छन्।
यता नेपालतर्फ भने सुरक्षा, राजस्व नियन्त्रण तथा अवैध कारोबार रोक्न आवश्यक कडाइ गरिएको बताइएको छ। सीमा क्षेत्रमा निगरानी बढाइएपछि अनधिकृत सामान ओसारपसारमा समेत कमी आएको स्थानीय प्रशासनको दाबी छ।
