(एबिसि संचार )
बर्दियामा स्रोत नखुलेको २९ तोला सुनसहित दुई जना पक्राउ परेका छन् । शनिबार पक्राउ गरिएका दुई जनालाई आइतबार सुन र प्रयोग गरिएको सवारी साधनसहित प्रहरीले सार्वजनिक गरेको छ !
पक्राउ पर्नेमा बाँके नेपालगन्ज उपमहानगरपालिका–१९ राझाका २९ वर्षीय मोहन विक र कार चालक बाँके राप्ती सोनारी गाउँपालिका–२ स्थायी घर भई डुडुवा गाउँपालिका–५ जब्दहवाका ३८ वर्षीय देवेन्द्रबहादुर घर्ती रहेको प्रहरीले जनाएको छ ।
प्रहरी उपरीक्षक सुधीरराज शाहीका अनुसार उनीहरुलाई सुनका गरगहनासहित प्रदेश ३–०१–०२३–८१६८ नम्बरको हुण्डाई कारसहित पक्राउ गरिएको हो ।ईलाका प्रहरी कार्यालय बगनाहा, मोतीपुर र कतरनियाको संयुक्त टोलीले पूर्वपश्चिम राजमार्गमा जाँच गर्दा गरगहना बरामद गरिएको प्रहरी उपरीक्षक शाहीले जनाए
