(एबिसि संचार )
सार्वजनिक खरिद अनुगमन कार्यालयले कानुन बमोजिम काम नगर्ने १२ निर्माण व्यवसायी तथा आपूर्तिकर्ताहरूलाई कालो सूचीमा राखिएको छ ।
कार्यालयले आज (सोमबार) एक सूचना जारी गर्दै सरकारी नियमानुसार काम नगर्ने व्यवसायी तथा आपूर्तिकर्तालाई एक वर्ष ६ महिनादेखि ३ वर्ष सम्मका लागि १२ वटा ठेकेदार कम्पनीलाई कालोसूचीमा राखेको हो ।सार्वजनिक निकायले कालोसूचीमा राख्न सिफारिस गरेअनुसार खरिद कार्यालयले गोलबजार- सिराहा ठेगाना रहेको आदर्श कन्स्ट्रक्सन कम्पनीलाई तीन वर्ष कालोसूचीमा राखेको छ।
यस्तै, पोखरा महानगरपालिका-८ कास्कीको त्रिवेणी निर्माण सेवालाई दुई वर्ष, नेपालगञ्जको गंगोत्री देवी निर्माण सेवालाई पनि दुई वर्ष कालोसूचीमा राखिएको छ।
यस्तैगरी, पाँचथरको कमल कन्स्ट्रक्सन, बाँकेको अनामिका कन्स्ट्रक्सन, बाँकेकै भावेश कन्स्ट्रक्सन, काठमाडौं, टेकुको ऊर्जा-कृशभ मस्ट जेभीलाई डेढ(डेढ वर्ष कालोसूचीमा राखिएको छ।(रास्स)
