(एबिसि संचार )
गोलकिपर विशाल श्रेष्ठले अन्तर्राष्ट्रिय फुटबलबाट संन्यासको घोषणा गरेका छन् । संन्यासको घोषणा गर्दै उनले यस यात्राको उत्कृष्ट भाग भएकोमा धन्यवाद व्यक्त गर्दै आफूले यस सम्झनाहरूलाई बोकेर जाने बताएका हुन् ।उनले सामाजिक सञ्जालमा लेखेका छन्, ‘कुनै बेला नेपालको खेलाडी बन्ने सपना देख्थेँ तर अहिले…समय कति चाँडो बित्ने रहेछ । म मेरो अन्तर्राष्ट्रिय फुटबल करियरमा अतुलनीय सहयोगको लागि मेरो परिवार, साथीहरू, टोलीका साथीहरू, फिजियो, समर्थकहरू र सबैप्रति हृदयदेखि कृतज्ञता व्यक्त गर्न चाहन्छु। तपाईंको अटल प्रोत्साहन हरेक विजय र मैदानको हरेक पल पछाडिको प्रेरक शक्ति थियो । मेरो देशको प्रतिनिधित्वबाट सन्यास लिँदा मैले सँगै बनाएका सम्झनाहरू बोकेर जाँदैछु। यस यात्राको उत्कृष्ट हिस्सा भएकोमा धन्यवाद।’
