(एबिसि संचार ) सशस्त्र प्रहरीले त्रिभुवन अन्तर्राष्ट्रिय विमानस्थलबाट भन्सार छलीको कपडा बरामद गरेको छ । शनिबार चोरी पैठारीको आशंकामा २ सय १९ थान तयारी कपडा बरामद गरिएको सशस्त्र प्रहरी बलका सहप्रवक्ता (डिएसपी) शैलेन्द्र थापाले लाई बताए ।भद्रपुर विमानस्थलबाट यत्ति एयरलाइन्सको उडानमा कार्गो गरेर पठाइएको ७ पोका कपडा राजस्व अनुसन्धान विभागबाट खटिएको सशस्त्रको टोलीले बरामद गरेको हो । विमानस्थलमा परिचालित सशस्त्रको इन्जेलिजेन्स ब्यूरोको सूचनाको आधारमा कपडा बरामद गरिएको डिएसपी थापाले जानकारी दिए ।रुपन्देहीको देवदह नगरपालिका–७ बाट पनि सशस्त्रले बिलबिजकमा उल्लेख भएभन्दा धेरै सामान बोकेको ट्रक नियन्त्रणमा लिएको छ । सुरक्षा बेस बुटवलबाट खटिएको टोलीले लु.१ ष्ल ८२५८ नम्बरको ट्रक नियन्त्रणमा लिएको हो । सो सामान राजस्व अनुसन्धान विभागमा बुझाइएको छ ।
