(एबिसि संचार ) सुर्खेत प्रहरीले वीरेन्द्रनगरबाट लागु औषधसहित ३ जनालाई नियन्त्रणमा लिएको छ । पक्राउ पर्नेमा वीरेन्द्रनगर नगरपालिका–९ का १९ वर्षीय रोहन घिसिङ, २६ वर्षीय धनु थापाघिसिङ र वडा नम्बर १० का १९ वर्षीय देवराज रोकाया रहेका छन् ।रोहन र धनुले वीरेन्द्रनगर नगरपालिका–१० मा कोठा भाडामा लिई बस्ने गरेका थिए । शंकास्पद अवस्थामा फेला परेका उनीहरूको शरीर र कोठा खानतलासी गर्दा १ ग्राम ६६० मिलिग्राम लागु औषध फेला परेको थियो ।जिल्ला प्रहरी कार्यालयका सूचना अधिकारी लक्ष्मण शाहीका अनुसार उनीहरू दुवै जनालाई पक्राउ गरेर थप अनुसन्धान भइरहेको छ ।
