(एबिसि संचार ) जिल्ला प्रहरी कार्यालय बाराले विभिन्न ठाउँबाट १४ लाखभन्दा बढी मूल्य बराबरको भन्सार छलीका सामानसहित ट्याक्टर पक्राउ गरेको छ । बारा प्रहरीले जिल्लाका विभिन्न ठाउँबाट बिल भरपाई नभएका तथा भन्सार छलीका सामानसहित एउटा ट्याक्टर पक्राउ गरेको जनाएको हो ।बाराको निजगढ, मटिअर्वा, कचोर्वा, मुसहर्वा र बेनौलीबाट भन्सार छलीका सामान बरामद गरिएको प्रहरी प्रवक्ता दधिराम न्यौपानेले जनाए । उनका अनुसार प्रहरीले चलाएको विशेष जाँच अन्तर्गत विभिन्न ठाउँबाट कपडा, चिनी, प्याज, मकै, मोविलसहितका चोरी पैठारी गरी ल्याइएका सामान पक्राउ गरिएको हो । प्रहरीले बिना बिल नै मकै ल्याउँदै गरेको अवस्थामा ना ४ त १९०६ नम्बरको ट्रयाक्टरसमेत पक्राउ गरेको बताएको छ ।
