माइतीघरको निषेधाज्ञा हटाउन माग गर्दै नेविसंघको प्रदर्शन

(एबिसि संचार )                                                                नेपाली कांग्रेस निकट विद्यार्थी संगठन नेपाल विद्यार्थी संघले काठमाडौँको माइतीघरमा लगाइएको निषेधाज्ञा हटाउनुपर्ने मागसहित प्रदर्शन गरेको छ । आइतबार सो संगठनका नेता कार्यकर्ताले निषेधित क्षेत्र घोषणा गरिएको माइतीघर नै पुगेर विरोध प्रदर्शन गरेका हुन् । नेविसंघ केन्द्रीय तदर्थ समितिको आयोजना भएको विरोध प्रदर्शनमा सहभागीहरुले माइतीघर मण्डला वरिपरि लगाइएको निषेधित क्षेत्र तत्काल हटाउन माग गरेका छन् । उनीहरुले स्थानीय स्वायत्त अधिकार २०२८ को दुरुपयोग नगर्न र स्वतन्त्रताको हकको सम्मान गर्न माग गरेका छन् । प्रदर्शनका क्रममा करिब एक दर्जन बढी प्रदर्शनकारी पक्राउ परेका छन्। (रास्स)