(एबिसि संचार )
बर्दियामा एक पुरूष मृत फेला परेका छन्।
राजापुर नगरपालिका-१० स्थित मझेरा जाने झोलुङ्गेपुलमुनि शनिबार दिउँसो साढे १ बजे एक पुरूष मृत भेटिएको बर्दिया प्रहरीले जानकारी दिएको छ।
मृतक मधुबन नगरपालिका-०२ ओराली बजारका ३५ वर्षीय सरोजकुमार सुनार रहेको बर्दियाका प्रहरी प्रवक्ता डिएसपी तुलसीराम अर्यालले जानकारी दिए।
अहिले शव पोष्टमर्टमका लागि पठाइएको रिपोर्टपछि थप कुरा थाहा हुने डिएसपी अर्यालले जानकारी दिए।