(एबिसि संचार )
कञ्चनपुरमा जोखिमयुक्त औषधि बेच्ने एक मेडिकल संचालक पक्राउ परेका छन् । कृष्णपुर नगरपालिका– २ बंकका मेडिकल व्यवसायी देवसिंह धामीलाई प्रहरीले पक्राउ गरेको हो ।
जिल्ला प्रहरी कार्यालय कञ्चनपुरका प्रवक्ता प्रकाश डाँगीका अनुसार कृष्णपुर–२ बंकस्थित कञ्चन क्लिनिक एण्ड फार्मेसीका संचालक धामीलाई पक्राउ गरिएको हो । मेडिकलमा खानतलासी गर्ने क्रममा विभिन्न जोखिमयुक्त औषधि भेटिएपछि उनी पक्राउ परेका हुन् ।प्रहरीले उक्त क्षेत्रका ९ मेडिकलमा चेकजाँच गरेको थियो । सो क्रममा नेपाल औषधि व्यवस्था विभागले तोकेका मापदण्डविपरित औषधि बेचबिखन गर्ने गराउने र बिनाइजाजत औषधि बेचबिखन गरिरहेको पाइएकाले औषधिसहित संचालकलाई पक्राउ गरिएको प्रवक्ता डाँगीले बताए ।