(एबिसि संचार ) क्रिकेटर सन्दीप लामिछानेको पक्षमा नारा लगाउने दुर्इ जनालाई प्रहरीले नियन्त्रणमा लिएको छ ।
कीर्तिपुरस्थित त्रिवि क्रिकेट मैदानमा क्यानडाविरुद्ध भइरहेको पहिलो खेलको ४०औँ ओभर चलिरहँदा उपस्थित समर्थकले सन्दीपको पक्षमा नारा र ब्यानरबाजी गरेपछि प्रहरीले दुई जनालाई नियन्त्रणमा लिएको हो ।नाराबाजी रोक्ने क्रममा प्रहरी र समर्थकबीच केही बेर घम्साघम्सीको स्थिति बनेको थियो । त्यसपछि प्रहरीले सन्दीपको पक्षमा नारा लगाएका दुईजनालाई नियन्त्रणमा लिएको हो । घम्साघम्सीका कारण खेल केही बेर अवरुद्ध बनेको थियो ।
