(तेज ओलि)
दाङको तुलसीपुरमा ट्रक र मोटरसाइकल एकआपसमा ठोक्किदा मोटरसाइकल चालकको मृत्यु भएको छ ।
आइतबार बिहान साढे ११ बजेतिर तुलसीपुरबाट नेपालगञ्ज तर्फ जाँदै गरेको बागमती प्रदेश ०१००३ क ९७५६ नम्बरको मालबाहक ट्रकले विपरित दिशाबाट आउँदै गरेको भे १२ प ३४२२ नम्बरको मोटरसाइकललाई तुलसीपुर १२ सितलपुर नजिकै ठक्कर दिँदा गम्भीर घाइते भएका मोटरसाइकल चालकको मृत्यु भएको इलाका प्रहरी कार्यालय तुलसीपुरका सूचना अधिकारी नवचन्द्र मल्लले जानकारी दिए ।
मृत्यु हुनेमा जिल्ला बाँके नेपालगञ्ज उपमहानगरपालिका १ साईगाँउ निवासी अन्दाजी ३३ वर्षीय सुरेश चन्द पाठक रहेका छन् गम्भीर घाइते भएका पाठकको राप्ती प्रादेशिक अस्पताल तुलसीपुरमा उपचारका क्रममा साढे १२ .३० बजेको समयमा मृत्यु भएको प्रहरीले जनाएको छ ।
