(एबिसि संचार ) जनता समाजवादी पार्टी नेपाल तत्काल सरकारमा नजाने भएको छ । बालुवाटारमा बसेको गठबन्धनको बैठकमा कुरा नमिलेका कारण तत्काल सरकारमा नजाने भएको हो । जसपाका कार्यकारिणी सदस्य मृगेन्द्रकुमार सिंह यादवले आफूहरुका लागि मधेश प्रदेशको सरकार सुनिश्चित नभएका कारण तत्काल सरकारमा नजाने बताए । उनले भने, ‘हाम्रो बटमलाइन भनेको मधेश प्रदेश सरकार हो तर अहिलेसम्म त्यो सुनिश्चित भएको छैन, त्यहाँको सरकार के हुने हो, त्यसको पनि ग्यारेन्टी नभएको कारण तत्कालै सरकारमा जाँदैनौ ।’नेकपा (एस) सरकारमा जाने नजाने निश्चित नभएका कारण मधेश प्रदेशमा गठबन्धन सरकार अन्योलनमा देखिएको छ । अहिलेको गठबन्धनबाट मधेश प्रदेशको सरकारलाई टिक्न सक्ने देखिदैन ।
