(एबिसि संचार ) पर्सा प्रहरीले चिहान उत्खनन् गरेर १२ वर्षीय बालकको शव निकालेको छ । प्रहरीले ती बालकको मृत्यु शंकास्पद रहेको भन्दै अनुसन्धानका लागि चिहानबाट शव निकालेको हो ।प्रहरी स्रोतका अनुसार बीरगन्ज महानगरपालिका–१२ निवासी शम्भु महतोले १२ वर्षीय छोरा दिलीप मण्डललाई कोठामा थुनेर राखेका थिए । थुनेकै अवस्थामा दिलीपले आत्महत्या गरेको बताइन्छ ।अभिभावकले सुटुक्क शव लगेर गाडेपछि प्रहरीले घटनाका बारेमा जानकारी पाएको हो ।जिल्ला प्रहरी कार्यालय पर्साका प्रवक्ता कुमार विक्रम थापाले चिहानबाट बालकको शव निकालिएको पुष्टि गरे । (रास्स)
