(एबिसि संचार ) वीरेन्द्रनगरको एक सामुदायिक जङ्गलमा मानव कंकाल फेला परेको छ ।वीरेन्द्रनगर–१४ को सृजनशील सामुदायिक जङ्गलमा आइतबार मानव कंकाल फेला परेको प्रहरीले जनाएको छ । जिल्ला प्रहरी कार्यालय सुर्खेतका स्थानीयहरूले मानव शरीरको अस्थिरपञ्जर देखेपछि प्रहरीलाई खबर गरेका थिए ।खबर पाए लगतै प्रहरीको टोली उक्त स्थानमा पुगेको थियो । मानव कंकाल हेर्दा करिब ५ महिना पुरानो रहेको प्रहरीको अनुमान छ । उक्त मानव कंकाल कसको हो भन्ने पहिचान नखेलेको जिल्ला प्रहरी कार्यालय सुर्खेतका एसपी एवं प्रहरी उपरीक्षक रुपेश खड्काले जानकारी दिए ।
