(सागर रोका)
दाङ । तुलसीपुर उपमहानगरपालिका वडा नम्बर १९ बाहिरी सक्राममा विद्यालयस्तरीय खुला वक्तृत्वकला गरिएको थियोे ।
नयाँ पाइला पुनःस्थापना केन्द्र बिजौरीको सहयोगमा पूर्व विद्यार्थी समाज मा.वि भित्री सक्रामले शुक्रबार आज प्रतियोगिताको आयोजना गरेको हो ।
‘लागूऔषध दुर्व्यसनको वर्तमान अवस्था र नियन्त्रणका उपाय’ विषयमा वक्तृत्वकला प्रतियोगितामा २७ जना प्रतियोगीले भाग लिएका थिए ।
प्रतियोगितामा लिटिल फ्लावरका आस्था शर्मा प्रथम, बाल अमृतका दामोदर आचार्य द्वितीय ,फोर्टीनाईनका रिचा अधिकारी तृतीय र अमृत एकेडेमीका गणेश केसी सान्त्वना भएका थिए ।
पूर्व विद्यार्थी समाज मा.वि भित्री सक्रामका अध्यक्ष डिल्ली केसीको अध्यक्षता तथा तुलसीपुर उपमहानगरपालिकाका प्रमुख टिकाराम खड्काको प्रमुख आतिथ्यतामा वक्तृत्वकला प्रतियोगिता भएको थियोे ।
त्यस्तै गरेर समाजमा भित्रभित्रै फैलिरहेको लागूपदार्थ दुर्व्यसन न्यूनीकरणका लागि परिवारसंगै समाजमा सचेत हुनुपर्ने सहभागी सरोकारवालाले जोड दिएका थिए ।
युवापुस्ता दुर्व्यसनमा जाँदा उनिहरूलाई दुर्व्यसनबाट जोगाउनका लागि राज्य र समाजको भूमिका सशक्त हुनुपर्ने जोड दिएका थिए ।
तुलसीपुर उपमहानगरपालिकाका प्रमुख टिकाराम खड्काले दुर्व्यसनमुक्त समाज निर्माणका लागि उपमहानगरपालिका देखी लिएर वडा सरकारले ध्यान दिनु पर्ने बताउनु भएको थियोे ।
यस्तै गरेर प्रमुख जिल्ला अधिकारी रामबन्धु सुवेदीले लागूपदार्थ दुर्व्यसनले व्यक्ति, परिवार र समाजलाई गलत बाटोमा नलैजाने उहाँले जानकारी दिनु भएको थियोे ।
उहाँले सबैको सामुहिक प्रयासले मात्रै यसको नियन्त्रण गर्न नसकिने बताउनु भएको थियोे ।
कार्यक्रममा तुलसीपुर उपमहानगरपालिका वडा नम्बर १९ का अध्यक्ष प्रेमनाथ योगीले लागूपदार्थ दुव्र्यसन न्युनिकरणका लागि वडा सरकार निरन्तर लागिरहेको र यश विषयमा हरेक गाउँ टोलमा सचेतना पनि दिने उहाँले बताउनु भएको थियोे ।
समाजमा लागूऔषध दुव्र्यसन न्यूनिकरणका लागि नयाँ पाइला पुनस्थापना केन्द्रले विभिन्न समयमा हरेक वडामा सचेतनामूलक कार्यक्रम गर्दै आएको केन्द्रका कार्यकारी निर्देशक सुरेश भुषालले बताउनु भएको थियोे ।
उहाँले आगामी दिनमा पनि सचेतनमूलक कार्यक्रमलाई निरन्तरता दिने बताउनु उहाँले जानकारी दिनु भयो ।
कार्यक्रममा प्राध्यापक सुन्दर गौतमले युवापुस्तामा सकारात्मक सोचको विकास गराउन निरन्तर रुपमा कक्षा कोठा-कोठामा सचेतना मुलक लागिरहेको उहाँले बताउनु भयो ।
कार्यक्रममा विभिन्न खालका नृत्यहरुको पनि प्रस्तुत गरिएको थियोे । कार्यक्रमको सहजीकरण भने पूर्व विद्यार्थी समाज मा.वि भित्री सक्रामका कोषाध्यक्ष शुसी बस्नेत र सदस्य यज्ञबहादुर केसीले गर्नुभएको थियोे ।
