ABC (क्राईमबिट)
काठमाडौं । नेपाल सरकार, गृह मन्त्रालय (माननीय उपप्रधानमन्त्री एवं गृहमन्त्रीस्तर) को मिति २०८१/०२/१६ गतेको निर्णयानुसार गण्डकी प्रदेश प्रहरी कार्यालय पोखरा कास्कीबाट यस नेपाल प्रहरी विपद् व्यवस्थापन कार्यालय सामाखुशी, काठमाण्डौंमा सरूवा भई आउनु भएको प्रहरी वरिष्ठ उपरीक्षक तारादेवी थापा ज्यूलाई आज मिति २०८१/०२/२१ गते यस कार्यालयमा कार्यरत प्रहरी वरिष्ठ उपरीक्षक डम्बर बहादुर बि.क. ज्यूले फुलमाला,अविर तथा खादा लगाई स्वागत गरी यस कार्यालयको सम्पुर्ण जिम्मेवारी बुझबुझारत गरे पश्चात नेपाल प्रहरी विपद् व्यवस्थापन कार्यालयमा दरबन्दी भई कार्यरत प्रहरी वरिष्ठ उपरीक्षक तारादेबी थापा ज्यूले यस नेपाल प्रहरी विपद् व्यवस्थापन कार्यालय, सामाखुशी, काठमाण्डौंबाट त्रिभुवन अन्तराष्ट्रिय बिमानस्थल सुरक्षा कार्यालय, काठमाण्डौंमा सरुवा भई जान लाग्नु भएका प्रहरी वरिष्ठ उपरीक्षक डम्बर बहादुर बि.क. ज्यूलाई खादा, अविर तथा मायाको चिनो प्रदान गरी बिदाई तथा फेरी भेटौंला कार्यक्रम सम्पन्न गर्नुभएको थियो । साथै बिदाई भई जानु भएका प्र.ब.उ. डम्बर बहादुर बि.क.ले विपद् प्रतिकार्यको लागि प्रहरी संगठन भित्र मात्र नभइ बाह्य संघ संस्था, सरोकारवाला निकायहरु र अग्रज बिज्ञहरुसंग समन्वय गर्नुपर्ने बताउनु भएको थियो ।
