(रोशन निधि)
पर्सा । बिरगंज महानगरपालिका वडा नाे.८ घन्टाघर स्थित सडक खण्डमा मिति २०८१।०२।२५ गते २२:४५ बजेको समयमा बिल विजक भन्दा बढी हार्डवेयर तथा खुद्रा सामानहरु बोकेको माल बाहक ट्रक वीरगञ्जबाट चितवनतर्फ जाँदै गरेको छ भन्ने सूचनाको आधारमा म.प्र.०३-००२ ख १४४० नम्बरको ट्रकलाई रोकी जाँच गर्ने क्रममा विल विजक भन्दा बढी हार्डवेयर तथा खुद्रा सामानहरु लोड रहेको तथा सो विल बिजक संकास्पद देखिएको हुँदा अन्दाजि मुल्य रू.२७,७७,६४१।- (सत्ताईस लाख सतहत्तर हजार छ सय एकचालीस) बराबरको हार्डवेयर तथा खुद्रा सामानहरु नियन्त्रणमा लिई थप अनुसन्धान तथा आवश्यक कारवाहीको लागि मिति २०८१।०२।२७ गते राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साका प्रहरी नायब उपरीक्षक एवम् सुचना अधिकारी दिपक भारति ले जानकारी गराउनु भएको छ।
