अबिरल बर्षाका कारण ६ दिन देखि अवरूद्व मुगुको हवाई उडान सुचारू

बाँके । नेपाल नागरिक उड्यन कार्यालय ताल्च राराका प्रमुख श्री कृष्ण रिजालका अनुसार माैसममा केही सुधार भएका कारण आज समिट र तारा यएरले उडान भरेका छन् ।
बिभिन्न कामकाे शिलशिलामा गन्तब्यमा पुग्ने नेपाल गन्ज र मुगुका बिरामी तथा यात्रुहरूले यात्रा गर्न पाउँदा खुशी भएका छन् ।
कर्णाली तथा सुदुरका जिल्लाहरूमा बिगत ६ दिन देखिकाे अबिरल बर्षाका कारण बाक्लाे हुस्सु र कुहिराे लागेर जताततै माैसम बिग्रियर हवाई उडान अवरुद्ध हुँदै आएकाे थियाे ।
“गाडी बाट जाउँ भने बाटाे खराब, प्लेन आउदैन ६ दिन देखि सुर्खेत जान तयार भएकाे थिए बल्ल आज माैसममा सुधार आएपछि प्लेनमा यात्रा गर्न पाईयाे खुशी लाग्याे छायाँनाथ रारा नगरपालिका गमगढी निवासी नाैलासिंह नेपालीले बताए ।

उडान नभएपछि ६ दिन देखी यात्रुहरू मुगु र नेपालगञ्ज विमानस्थलमा रोकिनु परेको थियो। माैसमकाे सुधार सँगै उडान सुचारू हुँदा हवाई यात्रुलाई सहज भएको छ भने दैनिक उपभोग्य वस्तु र अन्य माल सामान पनि ढुवानी हुने बताईएकाे छ ।