दाङ । नेपाल प्रहरीमा करिब ३० बर्ष अविछिन्न देश र जनताको सेवा र सुरक्षामा समर्पित भई सेवा निवृत्त हुन लाग्नु भएका यस जिल्ला प्रहरी कार्यालय दाङका प्रहरी नायव उपरीक्षक जनक बहादुर मल्लज्यू स-सम्मान बिदाई गरियो ।
कार्यक्रमको सुरुवातमा प्रहरी नायव उपरीक्षकज्यूको संक्षिप्त जिवनी सँगै यस जिल्लामा कार्यरत रहदाँ वहाँको अवधारणा र पहलमा सम्पादन भएका महत्वपूर्ण गतिविधिहरुको संक्षिप्त विवरण वाचन गरिएको थियो ।
उक्त कार्यक्रमा प्रहरी नायव उपरीक्षकज्यूले सम्पूर्ण प्रहरी कर्मचारीहरुलाई सम्बोधन गर्नुभएको थियो । सम्बोधनको क्रममा यस जिल्ला प्रहरी कार्यालय दाङको ११ (एघार) महिनाको कार्यकालमा जिल्ला प्रहरी कार्यालय दाङको Second in Command तथा प्रवक्ताको रुपमा खटीई समाजमा शान्ति सुरक्षा तथा अपराध नियन्त्रणका कार्यहरु सम्पन्न गर्ने सन्दर्भमा प्रहरी कर्मचारीहरु बाट प्राप्त साथ र सहयोग प्रति विशेष आभार व्यक्त गर्नुभएको थियो ।
कार्यक्रममा यस जिल्ला प्रहरी कार्यालय दाङ प्रहरी अधिकृत तथा अन्य सकल दर्जाका कर्मचारीहरुको उपस्थिति रहेको थियो । बिदाई भई जान लाग्नु भएकोमा सेवा निवृत्त रहँदासम्म प्रहरी सेवामा उँहाले दर्शाउनु भएको उच्च व्यबसायिक दक्षता, कार्यकुशलता एवम् ईमान्दारिताको कदर गर्दै गर्दै बिदाई कार्यक्रम सम्पन्न भएको ।
