बारा । ईलाका प्रहरी कार्यालय छतवा बाराबाट मिति २०८१-०४-०६ गते अन्दाजी ११:३० बजेको समयमा बिशेश सूचनाको आधारमा प्र.ब.ना.नि.सन्तोष के.सि.को कमाण्डमा खटिएको प्रहरी टोलिले जिल्ला बारा, बिश्रामपुर गाँउपालिका वडा नं.१ घोडासहन नाका स्थितमा फेटा गाउँपालिका वडा नाेमबर -६ पुरैनिया बस्ने अन्दाजी बर्ष ४१ को सैदुल्ला मिया ठकुराई माेटरसाईकल चालक र उक्त मोटरसाईकलमा पछाडि बस्ने ऐ.ऐ. बस्ने अन्दाजी बर्ष २२ को बागर अन्सारी मानिसहरूले ना ३६ प ४५६३ नम्बरको मोटरसाईकलमा भारतबाट नेपालमा श्रोत नखुलेको रकम ओसार पसार गर्ने क्रममा निजहरूको साथबाट लुकाई छिपाई ल्याएको विभिन्न दरको नेपाली रू. १०,२०,०००।- (दश लाख बिस हजार) सहित पक्राउ गरी हुण्डी सम्बन्धी कसुरमा मुद्दा दर्ता गरी सम्मानित जिल्ला अदालत बारा, कलैयाबाट दिन ७ (सात) म्याद थप गरी थप अनुसन्धान कार्य भई रहेको जिल्ला प्रहरी कार्यालय बाराका प्रहरी नायब उपरीक्षक प्रव्क्ता एवम् सुचना अधिकारी दधिराम नेउपानेले जानकारी गराउनु भएको छ।
