बुटवल । लुम्बिनी प्रदेशका मुख्यमन्त्रीकाे रूपन्देहीस्थित सम्पर्क कार्यालय पुन: सञ्चालनमा ल्याइएको छ । मुख्यमन्त्री चेतनारायण आचार्यले बुटवलमा सम्पर्क कार्यालय तथा निवासलाई पुनः सञ्चालनमा ल्याएका हुन्।
बुटवल उपमहानगरपालिका वडा नम्बर ८ मा रहेकाे आन्तरिक राजश्व कार्यालयको भवनमा मुख्यमन्त्रीको सम्पर्क कार्यालय स्थापना गरिएको हो।
यसअघि ०७४ सालदेखि यो कार्यालय रहेकोमा यसअघिका मुख्यमन्त्री जोखबहादुर महराले हटाएका थिए।
दाङको देउखुरीस्थित स्थायी राजधानीमा सबै मन्त्रालयहरु लगिए पनि पहिले बुटवलमा रहेका धेरै कार्यालयसँगको नियमित सम्पर्क तथा कार्य सम्पादनमा सहजता ल्याउन बुटवलमा कार्यालय राखिएको मुख्यमन्त्री आचार्यले बताएका छन्।
मुख्यमन्त्री आचार्यले हरेक शुक्रबार साँझ आफू बुटवल जाने आइतबार बिहानकाे समयसम्म त्यस क्षेत्रका सेवाग्राहीलाई सेवा दिने व्यवस्था मिलाउने बताए ।
