साथीसंग मनका कुरा एसएसपी बिश्वराज अधिकारीको (निराकार) (गजल) काठमाडौं । जब बिहानी हुन्छ चिसो बतासले यसरी छुन्छ सूर्यको रक्तिमा लालीभरी प्रेमिल रंगहरु मिसाएर तिम्रो मीठो आभाषले आउ अब उठ भन्छ चेतनामा आफैलाई खोज्ने अभियानमा मनको बाटोमा समयले कति औंला गन्छ अनुभूतीको भण्डारबाट निराकार साकार स्वरुपहरुलाई केलाउँदै चित्ताकाशमा मनले मनसंग किन किन खै के के भन्छ ! तर त्यही मनको मौन साक्षी बनेर मन देखि अन्तरमनसम्मको यात्रामा तिमी मेरो सबैभन्दा प्यारो साथी हौ भन्छ शब्दहरुमा व्यक्त गर्न सकिने भए मनका भावहरु तिमी त अझ साथीभन्दा माथि हौ भन्छ तिमी छौ र त यो सांसारिक कोलाहल परको एकान्तमा पनि केवल एक मात्र तिम्रो भर छ त्यसैले त तिम्रै लागि फेरि फेरि मेरो कविता बन्छ !! तिमी पवनसरी मेरो कण कणमा चलीराख्नु आत्मविश्वास म आफ्नो श्वासमा हेर्छु तिमी हरपल दीप बनी ह्रदयमा मेरो बलीराख्नु म अघि बढ्दै यो चाह मोक्षको प्रकाशमा फेर्छु म लेख्दै जान्छु तिमी लेखिदै जानु बस साक्षी बनी पढ्नु यो कस्तो कथा बन्छ साथीले नै त साथीसंग मनका कुरा भन्छ !!!

साथीसंग मनका कुरा एसएसपी बिश्वराज अधिकारीको (निराकार) (गजल)

काठमाडौं । जब बिहानी हुन्छ चिसो बतासले यसरी छुन्छ सूर्यको रक्तिमा लालीभरी प्रेमिल रंगहरु मिसाएर
तिम्रो मीठो आभाषले आउ अब उठ भन्छ
चेतनामा आफैलाई खोज्ने अभियानमा
मनको बाटोमा समयले कति औंला गन्छ
अनुभूतीको भण्डारबाट निराकार साकार
स्वरुपहरुलाई केलाउँदै चित्ताकाशमा
मनले मनसंग किन किन खै के के भन्छ !

तर त्यही मनको मौन साक्षी बनेर
मन देखि अन्तरमनसम्मको यात्रामा
तिमी मेरो सबैभन्दा प्यारो साथी हौ भन्छ
शब्दहरुमा व्यक्त गर्न सकिने भए मनका भावहरु
तिमी त अझ साथीभन्दा माथि हौ भन्छ
तिमी छौ र त यो सांसारिक कोलाहल परको
एकान्तमा पनि केवल एक मात्र तिम्रो भर छ
त्यसैले त तिम्रै लागि फेरि फेरि मेरो कविता बन्छ !!

तिमी पवनसरी मेरो कण कणमा चलीराख्नु
आत्मविश्वास म आफ्नो श्वासमा हेर्छु
तिमी हरपल दीप बनी ह्रदयमा मेरो बलीराख्नु
म अघि बढ्दै यो चाह मोक्षको प्रकाशमा फेर्छु
म लेख्दै जान्छु तिमी लेखिदै जानु
बस साक्षी बनी पढ्नु यो कस्तो कथा बन्छ
साथीले नै त साथीसंग मनका कुरा भन्छ !!!