लागुऔषधसहित श्रीमान श्रीमति पक्राउ
पर्सा । बिरगंज महानगरपालिका वडा नं.१६ स्थित मिति २०८१-०४-२४ गते अन्दाजी १९:०० बजेको समयमा वीरगंज भन्सार कार्यालय अगाडी यस कार्यालय मातहत प्रहरी चौकी ईनर्वा पर्सा र सशस्त्र प्रहरी बल नेपालबाट खटिएको संयुक्त चेकिङ टोलीले भारतको रक्सौलबाट नेपालतर्फ शंकाष्पदरूपमा आउँदै गरेका भारतको बिहार राज्य जिल्ला मोतिहारि सकहरा थाना वडा नाे.९ बस्ने धुरेन्द्र राम बर्ष ३५ को र निजका श्रीमती मधु देवि बर्ष ३२को
मानिसहरुलाई रोकी कानूनी रीतपुर्याई खानतलासी गर्दा निजहरूले बोकेको सेतो बोराभित्र TROHMA-50 लेखिएको ४४८ पत्तामा १० पिसको दरले ४४८० पिस ट्याब्लेट र काटेको २४ पिस ट्याब्लेट गरी जम्मा ४,५०४ पिस ट्याबलेट फेला परेको हुँदा निजहरूलाई यस कार्यालयमा ल्याइ निजहरू विरुद्ध लागु औषध सम्बन्धी कसूरमा थप अनुसन्धान कार्य भैरहेको जिल्ला प्रहरी कार्यालय पर्साका प्रहरी नायब उपरीक्षक प्रव्क्ता एवम् सुचना अधिकारी दिपक भारतीले जानकारी गराउनु भएको छ।
