बाँके । नेपालगन्जका स्थानीय होटलमा व्यावसायिकरुपमा यौन क्रियाकलाप हुन थालेपछि जिल्ला प्रहरी कार्यालय र वडा प्रहरी कार्यालय नेपालगन्जले प्रहरी परिचालन गरेर पक्राउ गर्न थालेको जनाएको छ ।
आइतबार राती करिब साढे आठ बजेतिर नेपालगन्ज उपमहानगरपालिका–१८ स्थित रिवरसाइड होटलबाट प्रहरीले होटल संचालक टोपबहादुर बुढासहित यौनधन्दामा संलग्नलाई रंगेशात पक्राउ गरेर कारबाही अगाडि बढाएको छ ।
पक्राउपर्नेमा होटल संचालक बुढासहित चार जना यौनकर्मी महिला र चार जना पुरुष रहेको वडा प्रहरी कार्यालयका प्रहरी प्रमुख प्रहरी निरीक्षक हरीबहादुर बिसीले जानकारी दिए ।
अन्य होटलमा पनि यस्ता कार्य हुनथालेकाले बिहान, बेलुकी र राति प्रहरीले निगरानी गर्न थालेको प्रहरी प्रमुख बिसीले बताए । नेपालगन्जमा यस्ता गतिविधि बढ्न थालेपछि प्रहरीले कडाईका साथ नियन्त्रण अभियान चलाएको उनले बताए ।
बाँके प्रहरी प्रमुख एसपी तुलबहादुर कार्कीको निर्देशनमा वडा प्रहरी कार्यालयले नेपालगन्जका विभिन्न होटलमा छड्के जाँच गर्दै आएको छ । यसअघि पनि होटलमा छड्के जाँच गरिएको थियो
