काठमाडौं । घटना गत १२ साउनमा सिन्धुली जिल्लामा भएको बताइएको छ सो दिन बेलुका करिब ८ बजेको समयमा सिन्धुलीको कमलामाई नगरपालिका वडा नम्बर ४ स्थित विपी राजमार्गमा पर्ने हिरापानी चेकपोष्टमा मापसे डिउटीमा खटिएको थियो। सो क्रममा हवल्दार संदिप नारायण दास खटिएका थिए।
सोही समयमा बिआर२२एइपी ७३२१ नम्बरको भारतीय कारमा पाँच भारतीय आएका थिए। उनीहरुले मादक पदार्थ सेवन गरेका थिए।
प्रहरी हवल्दारले उनीहरूलाई चेकजाँच गर्ने क्रममा विवाद भयो। त्यसपछि उनीहरूले गाडीमा हालेर हवल्दार दासलाई लगेकोमा प्रहरीले पिछा गरेर आधा किलोमीटर पर भेटाएका थिए।
अहिले पाँचै जनालाई पक्राउ गरी प्रहरीले अपहरण कसुरमा अनुसन्धान अघि बढाएको छ।
पक्राउ पर्नेहरुमा बिहारका मुकेश कुमार, दिलिप कुमार, अविनाश कुमार, रामानन्द प्रसाद र आनन्द प्रकाश छन्।
