काठमाडौं । शुक्रबार दिउँसो खामे खोलामा अचानक बाढीले खुम्बु पासाङल्हामु–५ थामेका २० घर तथा होटल लज, एउटा स्वास्थ्यचौकी र विद्यालय बगाएको थियो । बाढीको कटान जारी रहेको छ ।
प्रधानमन्त्र केपी शर्मा ओलीले सोलुखुम्बुको खुम्बु–पासाङल्हामु गाउँपालिका–५ स्थित बाढी प्रभावित क्षेत्रको वस्तुस्थितिबारे त्यहाँका प्रमुख जिल्ला अधिकारी देवी पाण्डेसँग जानकारी लिएका थिए । प्रधानमन्त्री ओली शुक्रबार साँझ टेलिफोनमार्फत त्यहाँ बाढीको स्थितिबारे जानकारी लिएको हो ।
प्रमुख जिल्ला अधिकारी पाण्डेलाइए प्रधानमन्त्री ओलीले ‘खुम्बुको बाढी के कारण हो, पहिरो हो कि हिमताल फुटेको हो ? भनेर प्रश्न गरेका थिए । जवाफमा प्रमुख जिल्ला अधिकारी पाण्डेले त्यसबारे अझैसम्म यकिन गर्न नसकेको बताइन् ।
शुक्रबार दिउँसो थामे खोलामा अचानक बाढी आउँदा खुम्बु पासाङल्हामु–५ थामेका २० घर तथा होटल लज, एउटा स्वास्थ्यचौकी र विद्यालय बगाएको छ भने स्थानीय विद्युत् आयोजनाको विद्युत् गृह पूर्ण रुपले क्षतिग्रस्त बनाएको छ ।
खुम्बु पासाङल्हामु–३ फाक्दिङदेखि नाम्चे जामे क्षेत्रमा करिब दुई सय मिटर पदमार्ग कटान गरेको छ ।
त्यहाँ अहिले नेपाली सेना र प्रहरीले थामेबाट ९३ जनाको उद्धार गरी आर्मीक्याम्पमा राखेको छ भने ४२ जनालाई स्थानीय सामुदायिक भवनमा राखिएको छ । बाढीले तल्लो सोलुको तटीय क्षेत्रमा पनि असर गरेपछि माप्यदूधकोसी गाउँपालिका–६ का पाँच परिवारलाई प्रहरीले अन्यत्र स्थानान्तरण गरेको छ ।
बुझ्न र प्रभावित व्यक्तिलाई उद्धार तथा राहत प्रदान गर्न रक्षामन्त्री मानवीर राईको नेतृत्वमा संघीय र प्रदेशसभा सदस्य, गाउँपालिका अध्यक्ष र प्रमुख जिल्ला अधिकारीसहितको टोली शनिबार बिहान त्यहाँ पुगिसकेको छ । तर, बाढी के कारणले आएको हो भन्ने यकिन भएको छैन ।
