काठमाण्डौ । गृह मन्त्रालय सचिवस्तरको मिति २०८१।०४।२८ गतेको निर्णयले मिति २०८१।०५।०१ गतेदेखि लागु हुने गरी प्रहरी बरिष्ठ नायव निरीक्षक पदबाट प्रहरी निरीक्षक पदमा बढुवा हुनुभएका प्रहरी निरीक्षक कल्पना राईलाई काठमाण्डौं उपत्यका प्रहरी कार्यालयमा आज आईतबार आयोजित कार्यक्रमकाबीच काठमाण्डौं उपत्यका प्रहरी कार्यालय प्रमुख प्रहरी अतिरिक्त महानिरीक्षक किरण बज्राचार्यको प्रमुख आतिथ्यतामा दर्ज्यानी चिन्ह सुशोभन कार्यक्रम सम्पन्न भएको छ ।
दर्ज्यानी चिन्ह सुशोभन पश्चात प्रहरी नायव महानिरीक्षक कृष्ण हरि शर्मा पोख्रेलले सुशोभन समारोहलाई सम्बोधन गर्नुभएको उक्त कार्यक्रममा पदोन्नति हुनु भएका प्रहरी अधिकृतले पदोन्नतिसँगै काँधमा थपिएको जिम्मेवारी अनुरुप पदीय मर्यादा रहने गरी राज्यले खटाएको स्थानमा कटिवद्ध रुपमा कार्य गर्न निर्देशन दिनुभयो ।
कार्यक्रममा प्रहरी वरिष्ठ उपरीक्षकहरू , सिनियर प्रहरी अधिकृतहरू तथा अन्य प्रहरी कर्मचारीहरूको उपस्थिति रहेको थियो ।
