बारा । जिल्ला प्रहरी कार्यालय बाराबाट खटिएको टोलीले विशेष सूचनाको आधारमा महागढीमाई नगरपालिका वडा नम्बर १, बरियारपुर स्थित एक घरमा छापा मारेर उनीहरूलाई नगदसहित पक्राउ गरेको हो।
प्रहरी नायब उपरिक्षक तथा बारा प्रहरी प्रवक्ता प्रकाश सापकोटाका अनुसार पक्राउ पर्नेहरू मोतिलाल कुशवाहाको घरमा जुवातास खेलिरहेको अवस्थामा फेला परेका थिए। प्रहरीले उनीहरूलाई १ लाख ७१ हजार २ सय ८० रुपैयाँसहित रंगेहात पक्राउ गरेको छ।
हालसम्म पक्राउ परेकाहरूको नाम सार्वजनिक गरिएको छैन, र उनीहरूमाथि आवश्यक अनुसन्धान भइरहेको प्रहरीले जनाएको छ।
