दाङ । लुम्बिनी प्रदेश प्रहरी कार्यालयका प्रमुख प्रहरी नायब महानिरीक्षक डिआईजी कुवेर कडायत बाट कार्यालय मातहत जिल्ला प्रहरी कार्यालय दाङ र नेपाल पुलिस स्कूल घोराही दाङका कार्यालयका प्रमुखहरुसँग भौतिक उपस्थितीमा तथा लुम्बिनी प्रदेश प्रहरी तालिम केन्द्र बुटवल, लुम्बिनी प्रदेश प्रहरी गण कोहलपुर, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय बुटवल, नेपाल प्रहरी विशेष सुरक्षा गण, सुनवल, लुम्बिनी प्रदेश प्रहरी अस्पताल नेपालगञ्ज बाँके र मातहत सम्पूर्ण जिल्ला प्रहरी कार्यालयहरूका कार्यालय प्रमुखहरूसँग Virtual माध्यमबाट आ.व.२०८०/०८१ को कार्य प्रगती समीक्षा तथा आ.व.२०८१/०८२ को लागि वार्षिक कार्य सम्पादन सम्झौतामा हस्ताक्षर कार्यक्रम सम्पन्न भयो ।
साथै उक्त कार्यक्रममा प्र.ना.म.नि. ज्यूले उपस्थित सम्पूर्ण प्रहरी अधिकृतहरुलाई कार्यसम्पादन सम्झौतामा तोकिएको क्रियाकलापहरुमा उत्कृष्ट नतिजा हासिल गर्ने गरी कार्यसम्पादन गर्न र प्रदेशको सम्रग शान्ति सुरक्षा सम्बन्धी समसामयिक बिषयवस्तुमा निर्देशन सम्बोधन समेत गर्नुभएको थियो ।
