दाङ । नेपाल प्रहरी प्रधान कार्यालय कर्मचारी प्रशासन शाखा नक्साल काठमाण्डौको मिति २०८१।०५।१७ गतेको पत्रले यस कार्यालयबाट क्रमश: गौतम बुद्ध अन्तर्राष्ट्रिय विमानस्थल सुरक्षा कार्यालय प्रशासन शाखा भैरहवा रुपन्देही र
वडा प्रहरी कार्यालय चन्द्रौटा कपिलवस्तु सरुवा भई जान लाग्नु भएका प्रहरी निरीक्षकहरु थमन जि.सी र सुजन शाहलाई लुम्बिनी प्रदेश प्रहरी कार्यालय, दाङका निमित्त कार्यालय प्रमुख प्रहरी वरिष्ठ उपरीक्षक माधव प्रसाद श्रेष्ठको प्रमुख अतिथ्यतामा फेरी भेटौंला कार्यक्रम आयोजना गरी प्रमुख अतिथिबाट शुभकमना मन्तव्य सहित मायाको चिनो प्रदान गरी स-सम्मान बिदाई गरियो ।
उक्त कार्यक्रममा सरुवा भई जान लाग्नु भएका प्रहरी निरीक्षकहरुले यस कार्यालयमा कार्यरत रहँदाको अनुभव सहितको छोटो मन्तव्य समेत व्यक्त गर्नु भएको थियो ।
उक्त कार्यक्रममा कार्यालयमा कार्यरत सिनियर प्रहरी अधिकृतहरु, जुनियर प्रहरी अधिकृतहरु र अन्य सक्कल दर्जाका प्रहरी कर्मचारीहरुको समेत उपस्थिति रहेको लुम्बिनी प्रदेश प्रहरी कार्यालय दाङले जानकारी दिएको छ ।
