बाँके । राप्ती सोनारी गाउँपालिका–४ बासखोली जाने बाटोबाट भरूवा बन्दुक २ थान बरामद भएको प्रहरीले जनाएको छ ।
इलाका प्रहरी कार्यालय बैजापुर बाँकेबाट खटिएको संयुक्त टोलीले गस्ती गर्दै जाने क्रममा हातहतियार फेला पारी बरामद गरेको जनाएको छ ।
डुडुवा गाउँपालिका–६ शिख्नपुरूवा बस्ने २४ वर्षीय लक्ष्मणसिंह शिखलाई भरूवा बन्दुक बनाउने विभिन्न सामान सहित मंगलबार साँझ प्रहरीले पक्राउ गरेको छ ।
शिखको घरमा भरूवा बन्दुक बनाउन प्रयोग हुने सामानहरू रहेको भन्ने सूचनाको आधारमा जिल्ला प्रहरी कार्यालय बाँकेबाट खटिएको प्रहरीले घर तलासी गर्दा भरूवा बन्दुकको नाल १ थान, बनाउँदै गरेको भरूवा बन्दुकको चित्र भएको काठ २ थान, भरूवा बन्दुक बनाउन प्रयोग हुने नाल ४ थान, फलामको गज १ थान, छर्रा, बारूद र जंगली जनावरको खोपडी सहितको सिङ १ थान फेला पारेको छ ।
दुबै घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।
