दाङ । कुनै समय थियो, साविकको राप्ती अञ्चलका पाँच जिल्ला लगायतका अन्य जिल्लाहरुबाट नुन भुटुन जस्ता अत्यावश्यक वस्तुको जोहो कोइलावास बजारमा गर्ने गरिन्थ्यो । त्यो बेला कोइलावास निकै चर्चित थियो, अत्यन्तै चहलपहल पनि ।
कालान्तरमा विशेषगरी कपिलवस्तुको कृष्णनगर बढ्नी नाका सञ्चालनमा आएपछि केही दशकभित्र यो बजार खण्डहर र भग्नावशेष बन्दै गयो ।
तर पछिल्ला वर्षहरुमा नेपाल सरकारले खण्डहर कोइलावास बजारको मुहार फेर्ने जमर्को गरेको छ । सडक बिजुली बत्तीका साथै केही भौतिक संरचनाको भएको छ । खानेपानीको समस्या अझै जर्जर रहेको स्थानीयहरु बताउँछन् ।
