बारा । चितवनको राप्ती नगरपालिका-३, झुरझुरे निवासी ट्रक चालक २६ वर्षीय विज्ञान तिमल्सिना र सह-चालक १८ वर्षीय बाबु काजी परियार रहेका छन् ।
विशेष सूचनाका आधारमा, इलाका प्रहरी कार्यालय अमलेखगञ्जबाट खटिएको प्रहरी टोलीले जितपुर सिमरा उपमहानगरपालिका-२१, अमलेखगञ्जमा हेटौँडाबाट पथलैयातर्फ आउँदै गरेको ना ४ ख २०६३ नम्बरको ट्रकलाई रोकी चेकजाँच गर्दा गाँजा बरामद गरिएको हो ।
ट्रकको क्याबिनसँग जोडिएको फल्स बटमभित्र लुकाई छिपाइ राखिएका १५ पोकामा २ सय ४० किलो गाँजा भेटिएको जिल्ला प्रहरी कार्यालय बाराले जनाएको छ ।
प्रहरीले ट्रक र चालकसहित दुवै जनालाई नियन्त्रणमा लिई आवश्यक कानुनी प्रक्रिया अगाडि बढाएको जनाएको छ । घटना सम्बन्धमा थप अनुसन्धान भइरहेको प्रहरी नायब उपरीक्षक प्रकाश सापकोटाले जानकारी दिए ।
