काठमाडौं । पोखराकि सजनालाई हालसम्म आधा दर्जन भन्दा बढी म्यूजिक भिडियोमा खेल्नका लागि अफर आइसकेको छ । म्यूजिक भिडियो खेल्नका लागि अफर आएपनि सजनाले भने खेल्ने कि नखेल्ने भनेर निर्णय गरिसकेकी छैनन । यस विषयमा सजनाले केही दिन भित्र निर्णय लिने छिन् ।
ढाडमा गणेश भगवानको ट्याटु खोपेकी सजनाको भिडियो बाहिरिए सँगै यतिबेला सामाजिक सञ्जालमा सजनाको चर्चा चुलिएको छ । सजनालाई फेसबुक ,रिल र टिकटकमा पछ्याउनेहरुको संख्या ह्वात्तै बढेको छ । सजनाको टिकटकमा १८ लाख भन्दा बढी दर्शकले सजनाको भिडियो हेरिसकेका छन् । फेसबुकमा समेत त्यतिकै संख्यामा सजनाको भिडियो हेरिएको छ । सजनाकी संगिनी स्वस्तिका भट्राईले टिकटकमा राखेको सजनाको भिडियोलाई ३४ लाख दर्शकले अवलोकन गरिसकेका छन् ।
सजना ट्याटु खोप्नु आफ्नो सौख भएको बताउँछिन् । ट्याटु खोप्न अझै बाँकी रहेको हुँदा समय खोप्ने बताउँछिन् । आफू आध्यात्मिक व्यक्ति भएका कारण गणेशको आकृतिको ट्याटु खोपेको सजनाले बताइन् । ट्याटुका कारण भाइरल भएपछि सजना खुसी देखिएकी छन् । भाइरल भएपछि सकारात्मक र नकारात्मक प्रतिक्रिया आएको विषयलाई सजनाले सामान्य रुपमा लिईरहेकी छन् ।
