शनिबार पनि भारी वर्षा हुने : पूर्वानुमान

काठमाडौं । जल तथा मौसम पूर्वानुमान महाशाखाले दिउँसो चार र राति दुई प्रदेशमा भारी वर्षा हुने पूर्वानुमान गरेको हो । महाशाखाले दिउँसो कोशी, मधेस, बागमती र गण्डकी प्रदेशका एक–दुई स्थानमा भारी वर्षाको सम्भावना रहेको जानकारी दिएको छ ।

राति कोशी र गण्डकी प्रदेशका एक दुई स्थानमा भारी वर्षा हुने महाशाखाको पूर्वानुमान छ । अस्ति र हिजो धेरै भारी वर्षा भए पनि आज धेरै भारी वर्षाको सम्भावना नरहेको महाशाखाले जनाएको छ । कोशी प्रदेशका तराईका भूभागमा हावाहुरीको भने सम्भावना रहेको महाशाखाले जनाएको छ ।