रुपन्देही । भैरहवा नेपाल प्रहरी कार्य दक्षता मूल्याङ्कन (Police Baton) २०८१” मापदण्ड बमोजिम आज मिति २०८१।०६।०१ गतेका दिन केन्द्रीय कार्य दक्षता मूल्याङ्कन समितिका संयोजक एवं तालुक राष्ट्रिय प्रहरी प्रशिक्षण प्रतिष्ठान महाराजगञ्ज, काठमाण्डौंका कार्यकारी निर्देशक प्रहरी अतिरिक्त महानिरीक्षक एआईजी सुदिप गिरीसहितको निरीक्षण टोलीद्वारा जिल्ला प्रहरी कार्यालय रुपन्देही मातहत इलाका प्रहरी कार्यालय धकधई रुपन्देहीको निरीक्षण अनुगमन गर्नुभएको छ ।
निरीक्षण क्रममा प्रहरी अतिरिक्त महानिरीक्षक एआईजी गिरीबाट इलाका प्रहरी कार्यालय धकधई रुपन्देहीमा भए गरेका सिर्जनशील एवम् रचनात्मक कार्यहरूका साथै शाखाहरूबाट सम्पादित कार्यहरू, सेवा प्रवाहको अवस्था र अभिलेख व्यवस्थापन समेतका विषयमा अनुगमन मूल्याङ्कन कार्य समेतको निरीक्षण गर्नुभई वृक्षारोपण समेत गर्नुभयो ।
साथै उक्त कार्यक्रममा इलाका प्रहरी कार्यालय धकधई रुपन्देहीका कार्यालय प्रमुख कृष्ण प्रसाद घिमिरेले समग्र वस्तुस्थितिको बारेमा प्रस्तुतीकरण गर्नु भएको, लुम्बिनी प्रदेश प्रहरी कार्यालयका कार्यालय प्रमुख प्रहरी नायव महानिरीक्षक डिआईजी कुवेर कडायतको प्रमुख अतिथिलाई मायाको चिनो प्रदान भएको र प्रहरी अतिरिक्त महानिरीक्षक गिरीले प्रहरी कर्मचारीहरुलाई विविध विषयहरुमा आवश्यक निर्देशन समेत दिनुभएको जिल्ला प्रहरी कार्यालय रुपन्देहीका प्रहरी प्रमुख एसपी रन्जित सिंह राठौरले जानकारी दिनुभएको छ ।
