रुपन्देही । बडा दशै, दिपावली र छठ पर्व लाई मध्य नजर गर्दै जिल्लाको शान्ति सुरक्षा लगायत ट्राफिक व्यवस्थापनको लागि जिल्ला प्रहरी कार्यालय रुपन्देहीले चाडपर्व अवधीभर नियमित गतिविधिको साथै थप प्रहरीहरु खटाउने भएको छ ।
रुपन्देही प्रहरी प्रमुख प्रहरी उपरिक्षक रञ्जित सिंह राठौरले चाडपर्वमा हुन सक्ने बिसंगति, विकृति विरुद्ध थप प्रहरी परिचालन गरेको बताए । राठौरले ट्राफिक सहितको पिकेट ४३ स्थानमा र ट्राफिक प्रहरी सहितको चेक प्वाईन्ट १९ स्थानमा राखिने उनले बताए ।
प्रत्येक प्रहरी ईकाईमा प्रहरी टोली तत्काल कार्यवाही टिम (क्युआरटि)को रुपमा राखी परिचालन गर्ने व्यवस्था मिलाएको राठौरले बताए । यसको लागि ४९ वटा क्युआरटि टिम बनाइको उनले बताए । यस बाहेक १७ वटा मोबाईल गस्ती, १८ वटा पैदल गस्ती परिचालन गरिने छ ।
चाडपर्वको समयमा बढी पटका, आतीसबाजीको प्रयोग हुने भएकोले सो को नियन्त्रणमा पनि प्रहरी कडाईका साथ प्रस्तुत हुने जनाईएको छ । पटकाको प्रयोग वा यसको बिक्रि बितरण गरेको पाईए कार्यवाही गरिने राठौरले बताए । चाड पर्व लक्षित सुरक्षाको लागि एक सिफ्टमा ६ सय ९५ जना सुरक्षाकर्मि परिचालन गरिने उनले बताए ।
चाडपर्वमा हुन सक्ने अपराधको पूर्वानुमान गरि सरोकारवालाहरु संगको छलफल गरि प्रहरीले रणनिति बनाएको छ । शुक्रबार जिल्ला प्रशासन कार्यालय रुपन्देहीमा भएको छलफलमा सरोकारवाला निकाय सबैले आ–आफ्नो भूमिका निभई दिन रुपन्देहीका प्रमुख जिल्ला अधिकारी गणेश अर्यालले आग्रह गरे । चाडपर्वमा चोरी, ठगी, कुटपिट झै झगडा मात्र नभई दुर्घटनाहरु पनि बढ्ने हुदा त्यसको न्यूनिकरणको लागि प्रशासनमा गरिएको निर्णय कार्यान्वयनमा सहयोग पु¥याउन उनले आग्रह गरे ।
चाडपर्वमा सवारी साधनको मनोमानी भाडादर, क्षमता भन्दा बढी सवारी, टिकटमा मनोमानी लगायतको गुनासोहरु आउने गरेकोले यसको नियन्त्रणको लागि सादा पोशाकका प्रहरी परिचालन गरिने प्रजिअ अर्यालले बताए ।
राजमार्ग लक्षित गरि रातीको समयमा गश्ती बढाउने योजना रहेको, बन्द रहने सरकारी कार्यालय, तथा संघ–सस्थाका सुरक्षा गार्ड र कार्यालय सहयोगीहरु संग समन्वय सहितको सुरक्षा व्यवस्था मिलाईने छ ।
प्रहरीका बिभिन्न युनिटहरुले विगतमा आ–आफ्ना एरियामा घटेका घटनाहरूलाई मध्ये नजर राखी पैदल, साईकल, मोटर साईकल र गाडी गस्ती परिचालन गरिने भएको छ । बेलहिया, भैरहवा र बुटवल बसपार्कमा यात्रु सहायता कक्ष स्थापना गरी यात्रुहरुलाई सुरक्षित यात्राको प्रत्याभुती दिलाउने योजनामा प्रहरी रहेको छ ।
यस अतिरिक्त चाडपर्व लक्षित अपराध बढन् सक्ने भएकोले नागरिकलाई पनि चनाखो हुन प्रहरीले अपिल गरेको छ ।
