पर्सा । विशेष सूचनाको आधारमा प्रहरीले वीरगञ्जबाट काठमाडौँतर्फ जाँदै गरेको मालवाहक ट्रक नियन्त्रणमा लिएको हो।
प्रहरी प्रवक्ता दीपक भारतीका अनुसार, मधेस प्रदेशको नम्बर ०३००१ ख ७६७३ रहेको ट्रक परवानीपुर चोकमा रोकिएको थियो। प्रहरीले ट्रकमा रहेको हाडे बदामको वास्तविक मूल्य ६६ लाख २४ हजार ३४ रुपैयाँ रहेको बताएको छ। उक्त ट्रकमा भन्सार छली गरी विल विजकमा उल्लेख गरिएको भन्दा बढी परिमाणमा बदाम रहेको खुलेको छ।
प्रहरीले ट्रकसहितको बदामलाई आवश्यक अनुसन्धानका लागि नियन्त्रणमा लिएको छ। बरामद बदामसहित ट्रकलाई थप कारबाहीका लागि पथलैया राजश्व कार्यालय पठाइएको पर्सा प्रहरीले जानकारी दिएको छ ।
