प्रकशित मिति : १२ आश्विन २०७६, आईतवार १३:०४
  • सागर थापा

असोज १२,दाङ । जिल्ला प्रहरी कार्यालय दाङ र जिल्ला ट्राफिक प्रहरी कार्यालय दाङ समुदाय-प्रहरी साझेदारी कार्यक्रम अन्तर्गत सवारी दुर्घटना न्यूनीकरणमा सघाएका चालक र सहचालकहरुलाई सम्मान गरेको छ ।

घोराही उपपालिका वडा नम्बर १४ नयाँ बसपार्क घोराहीमा भएको कार्यक्रममा दाङका प्रमुख जिल्ला अधिकारी गोबिन्द रिजाल र दाङ प्रहरी प्रमुख एसपी जनक भट्टराईले सवारी चालकहरुलाई दोसल्लाह अविर र माला लगाइदिएर सम्मान गरेका हुन् ।

सम्मानित भएका चालकहरुले खुसी व्यक्त गरेका छन् ।‘प्रहरीको चेकिङमा प्राय कारबाहीमा पर्थ्यौं, आज प्रहरीकै हातबाट अविर माला लगाउन पाइयो अटो चालक एवंम ५. नम्बर प्रदेश अटो रिक्सा संघकि सह सचिव लक्ष्मी रानाले यो हामीहरुलाई जिम्मेवार बनाउन गरिएको संमान कार्य हो बताए । प्रमुख जिल्ला अधिकारी र प्रहरीप्रति आभार प्रकट गरे ।

जिल्ला ट्राफिक प्रहरी कार्यालय दाङका ट्राफिक प्रमुख प्रेम प्रसाद रेग्मीले सवारी दुर्घटना न्युनीकरणका लागि चालक, सहचालक, यात्रुहरु र समुदायको भूमिका कस्तो हुनुपर्दछ भनि जनचेतनामुलक अनुशिक्षण प्रदान गरेका थिए । कार्यक्रममा दुर्घटना न्युनीकरण सम्बन्धी प्रचार प्रसार सामग्री वितरण पनि गरिएको दाङ जिल्ला ट्राफिक प्रबक्ता उत्तम जिसीले जानकारी दिनुभएको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com