• सागर थापा / महेन्द्र सिंह

असोज १३, नेपालगन्ज । नेपालगन्ज भन्सार कार्यालयमा रहेको सशस्त्र प्रहरीले नव दुर्गाको मुर्तीमा लुकाएर नेपाल ल्याउदै गरेको लाखौं मूल्यका सामान बरामद गरेको छ ।

दशैंका लागि भारतबाट नेपाल ल्याउदै गरेका भगवतीको मुर्ती बोकेको ट्रयाक्टरबाट सशस्त्र प्रहरीले लाखौं मूल्यका सामान बरामद गरेको हो । भन्सार कार्यालयमा रहेको सशस्त्र प्रहरीले उपलब्ध गराएको तथ्यांक अनुसार दशैंका लागि भगवतीको मुर्ती बोकेको ट्रयाक्टरबाट राजश्व छलेर नेपाल भित्र्याईरहेका ट्रयाक्टरको ट्रली चेक बेरिङ्ग २० पीस, रोटाभेटर बेरिङ्ग १० पीस, ढोकाको ह्याण्डल सेट ९ दर्जन, चिनी २ सय केजी, डाल्डा २ पेटी, चामल ५ बोरा, तेल ३ टिन र लड्डु दाना १ बोरा लगायत २५ वटा विभिन्न सामान सशस्त्रले बरामद गरेकोहो ।

सशस्त्र प्रहरीले बरामद गरेका ती सामानको ९ लाख ५० हजार मूल्य रहेको भन्सार सशस्त्र प्रहरी प्रमुख डिएसपी नौराज बोहराले जानकारी दिएका छन । भन्सार कार्यालय नेपालगन्जमा रहेको सशस्त्र प्रहरीले नियमित चेकचाँजका क्रममा उक्त सामान बरामद गरेको जनाएकोछ ।

बरामद गरिएका सामान मध्ये अधिकांश ट्रयाक्टर र खाद्यान्न सामाग्री रहेकाछन् । दशैंको पहिलो दिन भारतको रुपैडिहा लगायतका विभिन्न स्थानबाट नेपाल ल्याइदै गरेका भगवतीको मुर्तीमा लुकाईछिपाई सामानको तस्कर भइरहेको थाहा पाएपछि सशस्त्र प्रहरीले आईतबार बेलुका चेकजाँच गरेको थियो ।

भगवतीको मुर्तीसंगै तस्करी गरि ल्याएको सामान सशस्त्रले बरामद गर्दा तस्करको नयाँ शैली बाहिरिएकोछ । चाडबाडका बेला अबैध कारोबारमा तस्करको सक्रियता झन् बढेकोछ ।

सम्बन्धित

दाङ ट्राफिक प्रमुखमा जिसी पहिलो प्राथमिकता दुर्घटना न्यूनीकरणमा

कपिलवस्तुमा साढे सात किलो अफिम सहित दुई जना नियन्त्रणमा

बाँके प्रहरीले ब्राउनसुगरसहित दुई जनालाई पक्राउ

जोरविजोर प्रणाली उल्लङ्घन गर्ने बढे चेकजाँचमा कडा

सशस्त्र प्रहरीद्वारा ५२ किलो गाँजा पक्राउ

ब्यापक बिरोध पछी घिसिङलाई पुनः ४ वर्षे निर्देशकमा प्रस्तावको तयारी