दाङ । जिल्ला प्रहरी कार्यालय दाङको प्राङ्गणमा राप्ती आयुर्वेद चिकित्सालय तुलसीपुर, दाङको आयोजना नेपाल प्रहरी श्रीमती संघ लुम्बिनी प्रदेशको सहकार्य र जिल्ला प्रहरी कार्यालय, दाङको समन्वयमा प्रहरी कर्मचारीहरुको “मानसिक स्वास्थ्य प्रवर्धनका लागि योग ध्यान कार्यक्रम” सञ्चालन गरी २ दिने योग ध्यान कार्यक्रमको समापन गरिएको छ ।
साथै, आज दोस्रो दिनको योग ध्यान कार्यक्रममा दाङ प्रमुख जिल्ला अधिकारी कृष्ण प्रसाद लम्साल राप्ती आयुर्वेद चिकित्सालय तुलसीपुर, दाङका कार्यालय प्रमुख डा.मदन कुमार बि.सी. जिल्ला प्रहरी कार्यालय दाङका कार्यालय प्रमुख एसपी अर्जुन प्रसाद तिमिल्सिना, डिएसपी इश्वर थापा, पतञ्जली योग समिति, लुम्बिनी प्रदेशका अध्यक्ष प्रेम शाह महेन्द्र बहुमुखी क्याम्पस घोराहीका उप-प्रध्यापक अम्बिका डाँगि योग प्रशिक्षक माधव सुवेदी रहनु भएको, राप्ती आयुर्वेद चिकित्सालय तुलसीपुरका प्रतिनिधिहरु, प्रहरी कर्मचारीहरु समेत गरी ११० जनाको उपस्थितिमा समापन भएको जिल्ला प्रहरी कार्यालय दाङले जानकारी दिएको छ ।
