०९ जेठ २०८१, बुधबार
22-05-2024 , Wed
×

कोहलपुर नगरपालिकामा टेण्डर दर्ता क्रममा हानाहान नगरपालिका कर्मचारीको भागाभाग

Logo
प्रकाशित बिहिबार, मंसिर १९, २०७६

महेन्द्र सिंह
बाँके मङ्सिर १९ कोहलपुर नगरपालिका भित्रै टेण्डर दर्ता क्रममा युवाहरु बिच कुटाकुट भएको छ । नगरपालिकाले केही दिन पहिले विभिन्न योजनाको लागि बोलपत्र आह्वान गरेको थियो । बोलपत्र दर्ताको मंगलबार अन्तिम दिन थियो ।सोही क्रममा नगरपालिकाको कर्मचारी प्रशासन कोठा नम्बर ६ मा युवाहरु बिच हानाहान भएको हो । टेण्डर दर्ता गर्नका पुगेको एक समुहलाई अर्को समुहले रोक्न खोजेपछि उनीहरुबिच विवाद भएको थियो । सोही क्रममा युवाहरुको समुहले टेण्डर कागज समेत च्यातेका थिए । युवाहरुको समुहबिच नगरपालिका भित्रै झडप हुँदा कार्यालयको कुर्सी भाँचिएको थियो भने प्रिन्टर मेसिन फुटेको छ ।
कार्यालय भित्रै युवाहरुको झगडा भएपछि कर्मचारीहरु भने ज्यान जोगाउन कार्यकक्ष छोडेर नै बाहिर आएका थिए । ‘झडपले अझै उग्र रुप लिएको भए नगरपालिकाले समेत ठूलो क्षती व्यहोर्नुपर्ने थियो’ बाहिर निस्कीएका एक कर्मचारीले भने, ‘युवाहरु बिच नै झगडा भएपछि ज्यान जोगाउन बाहिर निस्किनुप¥यो ।’
कार्यालय भित्रै गुण्डागर्दी शैलीमा आक्रमण भएपछि केही समय कार्यालयको कामकाज समेत प्रभावित बनेको थियो । पछि प्रहरी बोलाएर स्थितीलाई नियन्त्रणमा ल्याउनुपरेको थियो । सडक बोर्ड नेपालले सडक मर्मत सम्बन्धी वार्षिक कार्यक्रम अन्तरगत चार वटा सडकहरु मर्मत गराउनुपर्ने भन्दै पत्र लेखेको थियो । सोही पत्रको आधारमा गत मंसिर २ गते कोहलपुरले नगरपालिकाले १५ दिनको समय दिएर शिलबन्दी बोलपत्रको सुचना प्रकाशन गरेको थियो ।
नगरपालिकाका प्रशासन योजना तथा अनुगमन शाखा प्रमुख कर्ण बहादुर थापाले टेण्डर दर्ता गर्ने क्रममा विवाद भएको बताए । ‘मैले तोक लगाउँदै थिए’ उनले भने, ‘तोक लगाउने क्रममा मैले हालेको टेन्डरमा किन तैले हाल्ने भन्दै युवाहरुबिच लफडा भएपछि आफुलाई तोक लगाउन मुस्किल भयो ।’ ठेकेदारहरुको नै एकआपसमा कुरा नमिल्दा झगडा भएको उनले बताए ।
नगरपालिकाका कर्मचारी प्रशासन उपशाखा प्रमुख दिपकराज उपाध्यायले विवाद झगडासम्म पुग्दा कार्यालयका एक कुर्सी र प्रिन्टिरमा क्षती पुगेको जानकारी दिए । ‘धैरै केटाहरुको हुल भित्र नै पस्यो’ उनले भने, ‘ठेकेदारहरुकै विचमा कुरा नमिल्दा झगडा भएको हो ।
सरकारी सामग्री तोडफोड गर्नु राम्रो काम होइन ।’ नगरपालिका सूचना अधिकारी हरी बहादुर वलीले स्थानीय सडकहरु मर्मत सम्भार गर्नका लागि चार वटा सडक निर्माण कार्यका लागि टेण्डर खोलिएको जानकारी दिए ।
‘सडक बोर्ड नेपालसँग बार्षिक कार्यक्रम अन्र्तगत चार वटा सडक मर्मत संम्भार गर्नका लागि सिफारीस गरेका थियौं’ उनले भने, ‘चार वटा सडकको लागि ४० लाख बराबरको सडक बोर्ड नेपालले व्यहोर्ने छ ।’ उनका अनुसार कैलास मन्दिर देखि दाङ पुर जाने सडक र अप्सरा रानाको घरदेखि पश्चिम लक्ष्मी बमको घरतर्फको सडक मर्मत गर्ने सम्बन्धी टेन्डर गरेको थियो ।
त्यसैगरी खेम प्रसादको घरदेखि सगरमाथा ज्ञानपुञ्ज जाने सडक मर्मत, चप्परगौडी थारु गाउँदेखि मध्यवर्ती निवुवा खड्कवार सडम मर्मत गर्ने सम्बन्धी टेन्डर भएको छ । यस्तै कोहलपुर नगरपालिका अधिकृत पुरुषत्तोम पोख्ररेलले चार वटा सडक मर्मतका लागि ३३ कम्पनीले टेन्डर हालेको जानकारी दिए ।
‘कैलास मन्दिरदेखि दाङपुर जाने सडकको लागि ११ वटा फर्मले टेन्डर हालेका छन्’ उनले भने, ‘अप्सरा रानाको घरदेखि पश्चिम लक्ष्मी बमको घरतर्फको सडक मर्मतका लागि ८ वटा फर्मले टेन्डर दर्ता गरे ।’
खेम प्रसादको घरदेखि सगरमाथा ज्ञानपुञ्ज जाने सडक मर्मतका लागि ३ वटा टेन्डर र चप्परगौडी थारु गाउँदेखि मध्यवर्ती निवुवा खड्कवार सडक मर्मतका लागि ११ वटा टेन्डर हालेको उनले जानकारी दिए ।

कमेन्ट गर्नुहोस्
सम्बन्धित

(ABC-Sanchar) पोखरा । मुस्ताङ तेह्र किलोमिटर लामो जोमसोम–कागबेनी सडक ११ मिटर फराकिलो बनाएर आक्सपाल्ट प्रविधिको कालोपत्र गर्न थालिएको हो। राष्ट्रिय गौरवको कालीगण्डकी कोरीडोर बेनी–जोमसोम–कोरला सडक आयोजनाअन्तर्गत् जोमसोम–कागबेनी खण्डमा कालोपत्र गर्न २०७८ असोज ४ गते रौताह–आत्रेय जेभीले २८ करोड १४ लाख रुपैयाँमा ठेक्का सम्झौता गरेको थियो। ठेकेदार कम्पन्नीका रौताहका आयोजना व्यवस्थापक सञ्जय भट्टले एक्लेभट्टी क्षेत्रमा दुई […]

(ABC-Sanchar) काठमाडौं । स्थानीय अधिकारी र सञ्चारमाध्यमले मङ्गलबार बताएका छन् । प्लेटो राज्यका सूचना आयुक्त मुसा इब्राहिम असोम्सले राज्यको राजधानीमा पत्रकारलाई भन्नुभयो, “मोटरसाइकलमा सवार दर्जनौँ बन्दुकधारीले सोमबार राति स्थानीय सरकार क्षेत्रको जुराक गाउँमा विनाशकारी आक्रमण गर्दा करिब ४० जनाको ज्यान गएको छ ।” बन्दुकधारीहरूले त्यहाँका बासिन्दामाथि अन्धाधुन्ध गोली चलाउँदा अरू धेरै घाइते भएका छन् । […]

(ABC-Sanchar) काठमाडौँ । अहिले नेपालमा स्थानीय वायु, पश्चिमी वायु र विहार आसपास रहेको न्युनचापीय प्रणालीको आंशिक प्रभाव रहेको छ । जसको प्रभावले देशका पहाडी भूभागमा आंशिक देखि साधरणतया बदली रही बाँकी भूभागमा मौसम मुख्यतया सफा रहेको छ । आज दिउँसो कोशी प्रदेश लगायत देशका पहाडी भूभागमा आंशिकदेखि साधरणतया बदली रही बाँकी भूभागमा मौसम मुख्यतया सफा […]